Garvard University, Stanford University va London School of Economics kabi nufuzli oliygohlari ilg‘or tajribalar asosida yoshlarni tadbirkorlikka o‘qitishga tayyor. "Yangi avlod tadbirkorlari" dasturi orqali kamida 40 ming yosh biznes ko‘nikmalariga ega bo‘ladi.
Dasturni muvaffaqiyatli tugatgan eng yaxshi 1 ming nafar yoshga uch yil muddatga 200 million so‘mgacha 7 foizli ssuda ajratiladi. Har yili "Yosh tadbirkorlar" tanlovi orqali eng yaxshi 100 loyiha brendga aylantirilishi uchun 1 milliard so‘mgacha mablag‘ ajratiladi.
Banklar va konsalting kompaniyalari yordamida 50 ming yosh tadbirkor biznes-reja tayyorlashda qo‘llab-quvvatlanadi, yirik savdo tarmoqlari va mutaxassislar yordamida esa kamida 20 ming yosh tadbirkorlikka o‘qitiladi.
1 martdan esa yangi ish boshlayotgan yosh tadbirkorlarning infrastrukturaga ulanish xarajatlari jamg‘arma tomonidan qoplanadi.
