Ma’lum qilinishicha, O‘zbekiston elchisi Ravshan Usmonov Civil Service College (CSC) vakillari bilan uchrashuv o‘tkazgan. Muzokaralarda davlat xizmati sohasida hamkorlikni kengaytirish, ilg‘or xorijiy tajribani o‘rganish va uni milliy amaliyotga joriy etish masalalari muhokama qilingan.
Tomonlar qo‘shma ta’lim dasturlari ishlab chiqish, treninglar tashkil etish, online va gibrid o‘quv platformalarini yo‘lga qo‘yish, shuningdek, ekspertlar almashinuvi va qo‘shma tadqiqot loyihalarini amalga oshirish imkoniyatlarini ko‘rib chiqqan.
Uchrashuv yakunida O‘zbekiston shahar va tuman hokimlari uchun Londonda qisqa muddatli malaka oshirish kurslarini tashkil etish hamda davlat xizmati sohasida o‘zaro manfaatli hamkorlikni davom ettirish bo‘yicha kelishuvga erishildi.
