"Baxti Toshkent" nomi bilan tanilgan Baxtiyor Qudratullayevning akasi Shuhrat Qudratullayev IIV e'lon qilgan "So'nggi pushaymon" ko'rsatuvida ishtirok etib, o'tgan hayoti va qilgan xatolari haqida gapirdi.
1966 yilda Toshkent shahrida tug'ilgan, muqaddam sudlangan Shuhrat Qudratullayev 2024-yil iyul oyida Jinoyat kodeksining 165-moddasining 3-qismi "a", "v" bandlari bilan aybli deb topilib, 10 yil 6 oyga ozodlikdan mahrum etilgan. Shuningdek, JKning 34-moddasiga asosan u o'ta retsidivist deb topilgan. Jazo umumiy tartibli koloniyada o'talmogda.
U ilgari ham 2007–2017-yillarda Jasliqdagi 71-koloniyaida 10 yil jazo muddatini o'tagan. Shu tariqa, u jami 12 yilini jazoni ijro etish muassasalarida o'tkazgan. Ayni paytda 60 yoshga to'layotgan Qudratullayev navbatdagi 10 yil 6 oylik jazoni o'tamoqda.
Intervyuda u "ko'cha hayoti" havas qiladigan yo'l emasligini ta'kidlab, o'tgan umridan pushaymon ekanini bildirgan. "Ko'p narsa yo'qotdik: jigarlarimizni, oilamizni, bolalarimizning yoshligini. Kerakli paytda oilamiz yonida bo'lolmadik", deydi u.
Shuhrat Qudratullayev yoshlarga murojaat qilib, qonun ustuvorligini hurmat qilish, to'g'ri yo'ldan yurish va yaratilayotgan imkoniyatlardan oqilona foydalanishga chaqirdi.
Avvalroq Baxtiyor Qudratullayevning o'g'li Bekzod Zafarov ham "So'nggi pushaymon" ko'rsatuvida qilgan ishlaridan pushaymon ekanini aytgan edi.
