Uning aytishicha, mintaqa tomondan “butun bir armiya” yo‘l olgan.
“Axios” nashriga bergan intervyusida Trump AQSh Harbiy-dengiz kuchlarining ikkinchi aviatsiya zarba guruhini Eron tomondan yo‘naltirish masalasi ko‘rib chiqilayotganini aytgan. Uning ta’kidlashicha, Vashington yaqin vaqt ichida Eron bilan kelishuvga erishishga intilmoqda, aks holda “juda qattiq choralar” ko‘rilishi mumkin.
Ma’lum qilinishicha, 6 fevral kuni Ummonda Eron va AQSh o‘rtasida bilvosita muzokaralar boshlandi. Amerika delegatsiyasi Tehron yadro dasturi, raketa arsenali va mintaqadagi proksi kuchlarni qo‘llab-quvvatlash masalalari bo‘yicha yon berishni talab qilgan.
Eron esa sanktsiyalar bekor qilinishi sharti bilan yadro bitimini qayta muhokama qilishga tayyorligini bildirgan. Shu bilan birga, Tehron tinch maqsadlarda uran boyitishni davom ettirishini ma’lum qilgan.
Avvalroq Trump Eron 2015 yilgi yadro kelishuvini qayta tuzishga rozi bo‘lmasa, harbiy choralar ko‘rilishi mumkinligini bir necha bor ta’kidlagan edi.
