DXX Chegara qo‘shinlari va Ichki ishlar organlari hamkorligida o‘tkazilgan tezkor tadbir davomida “o‘zbek–qirg‘iz” davlat chegarasini noqonuniy kesib o‘tgan shaxs uslandi. U Farg‘ona viloyati Rishton tumani hududi orqali qo‘shni davlatdan kirib kelgan bo‘lib, Uchko‘prik tumanida yashashi aniqlandi.
Tekshiruv jarayonida gumonlanuvchi yonidan umumiy qiymati 1 milliard 320 million so‘mlik 9 542 dona “Zardeks” nomli kuchli ta’sir qiluvchi dori vositalari topilib, belgilangan tartibda rasmiylashtirib olindi. Mazkur dori tarkibidagi “pregabalin” moddasi Vazirlar Mahkamasining 2019 yil 27-sentabrdagi 818-son qaroriga asosan kuchli ta’sir qiluvchi moddalar ro‘yxatiga kiritilgan.
Hozirda holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, gumonlanuvchiga nisbatan qamoq ehtiyot chorasi qo‘llangan. Tergov harakatlari davom etmoqda.
