Checheniston rahbari Ramzon Qodirov oʻgʻli Adam Qodirovning Grozniyda sodir boʻlgan avariyadan keyingi holati boʻyicha video eʼlon qildi. Video Telegram-kanalida 17 yanvar kuni joylashtirilgan boʻlib, unda Adam Checheniston xavfsizlik kuchlari rahbariyati bilan yigʻilish oʻtkazayotganini koʻrsatadi.
Qodirovning postida aytilishicha, "Checheniston rahbari yordamchisi, Checheniston xavfsizlik kengashi kotibi Adam Qodirov mening topshirigʻim asosida respublika kuch tuzilmalari qoʻmondonlari bilan yigʻilish oʻtkazdi. Kun tartibida saylovlarga tayyorgarlik, jamoat xavfsizligini taʼminlash, ekstremizmga qarshi kurash va maxsus harbiy operatsiya zonalarida faoliyat masalalari muhokama qilindi."
Maʼlum boʻlishicha, 18 yoshli Adam avariyadan keyin Grozniy shahridagi Respublika shifoxonasiga olib kelingan va reanimatsiya boʻlimiga yotqizilgan. YTQ Qodirov korteji yuqori tezlikda harakatlanayotganda sodir boʻlgan va bir necha kishi jarohat olgan. Hodisa tufayli shifoxonaga olib boruvchi ayrim yoʻllar vaqtincha yopilgan.
Adam Qodirov Checheniston rahbarining faoliyatida muhim shaxs boʻlib, respublika xavfsizlik kengashi kotibi, Ichki ishlar vazirligi kuratori va Gʻazo sektoriga insonparvar yordami koʻrsatish fondi koordinatori sifatida ishlaydi. Shuningdek, u "Checheniston qahramoni", "Qodirov" ordeni va bir nechta boshqa mukofotlarga sazovor boʻlgan.
