Qoraqo‘l tumanidagi o‘quv markazida tahsil olayotgan 20 nafar abiturient sog‘lig‘i yomonlashgani sababli shifoxonaga murojaat qildi.
Kecha, 11 yanvar kuni holati yomonlashgan abiturientlar zudlik bilan tuman tibbiyot birlashmasiga olib borilgan. Viloyat hokimining topshirig‘iga asosan ishchi guruh tuzilib, hodisa joyida tekshiruvlar o‘tkazilgan, deya xabar bermoqda Buxoro viloyati Sog‘ligni saqlash boshqarmasi.
Shifokorlar tomonidan ko‘rsatilgan tibbiy yordam natijasida barcha bemorlarning ahvoli yaxshilanib, ular ambulator davolanish uchun uyiga javob berilgan.
Hozirda ularning ahvoli qoniqarli ekani, shikoyatlari yo‘qligi bildirilmogda. Bemorlaridan olingan qon namunalari belgilangan tartibda ekspertizaga yuborilgan.
