Prezident Shavkat Mirziyoyevning 25 dekabrdagi farmoyishiga muvofiq, qator sudyalarga nisbatan kadrlar bo‘yicha qarorlar qabul qilindi.
Sudyalar oliy kengashi ma’lum qilishicha, Akmal Shukurov ishi bo‘yicha apellyatsiya instansiyasida qaror chiqargan sudya Mirzajonov Murodjon Qodirovich qonuniylikni buzgani sabab sudyalik vakolatlaridan mahrum etildi va Toshkent shahar sudi raisining o‘rinbosari lavozimidan ozod qilindi.
Shu ish doirasida apellyatsiya sudlov hay’ati a’zolari bo‘lgan yana uch nafar sudya ham yozma arizalari va qonunbuzarlikka yo‘l qo‘ygani uchun lavozimidan ozod etildi.
Shu bilan birga, Farhodjon G‘aniyev Toshkent shahar sudi raisining o‘rinbosari etib tayinlandi, Murodjon Ababakirov esa Andijon viloyat sudi raisining o‘rinbosari lavozimiga o‘tkazildi.
Eslatib o‘tamiz, Akmal Shukurov ishi jamoatchilikda katta muhokamalarga sabab bo‘lgan va mazkur holat yuzasidan xizmat tekshiruvi tayinlangan edi.
