Tojikiston parlamenti Jinoyat kodeksiga kiritilgan o‘zgartishlar bilan qor qoplonini o‘zlash va uning noqonuniy muomalasi uchun javobgarlikni kuchaytirdi. Bu haqda parlamentning “Sadoi mardum” nashri xabar berdi.
Yangi tahrirga ko‘ra, 232-1-modda endi nafaqat qor barsini o‘zlash va qasddan yo‘q qilishni, balki uni noqonuniy olish, saqlash, topshirish yoki sotishni ham o‘z ichiga oldi. Ushbu qoidabuzarlik uchun 1200–1800 hisob ko‘rsatkichi miqdorida jarima yoki 3 yilgacha ozodlikdan mahrum etish jazosi belgilandi.
Agar jinoyat takror sodir etilsa, jarima 2000–3000 hisob ko‘rsatkichigacha oshirilib, 4 yildan 8 yilgacha qamoq jazosi qo‘llanadi. Shuningdek, ayrim lavozimlarda ishlash yoki muayyan faoliyat bilan shug‘ullanish huquqidan mahrum etish ham nazarda tutilgan.
Bundan tashqari, alohida muhofaza qilinadigan tabiiy hududlar rejimi buzilgan holatlarda, katta miqdorda zarar yetkazilsa, jarima miqdori ham oshirildi.
