Telegram asoschisi Pavel Durov WhatsApp shifrlash tizimini "iste'molchilarni aldash tarixidagi eng yirik holatlardan biri" deb atagan. Uning ta'kidlashicha, ilova bayonotlariga qaramay foydalanuvchilar xabarlarini o'qishi va uchinchi shaxslarga uzatishi mumkin. Durov Telegram bunday amaliyatni hech qachon qilmagani va qilmasligini bildirgan.
WhatsApp esa X tarmog'ida Durov postiga javob berib, shaxsiy xabarlar va qo'ng'iroqlar uchun sukut bo'yicha to'liq shifrlash qo'llanilishini ma'lum qildi.
Kompaniya vakillariga ko'ra, messenjer shaxsiy va guruhli xabarlar uchun to'liq shifrlashni ta'minlaydi, ko'plab qurilmalarni, ovozli va videoqo'ng'iroqlarni qo'llab-quvvatlaydi, shuningdek to'liq shifrlangan zaxira nusxalari ham mavjud.
