30 noyabr kuni Qirg‘izistonda bo‘lib o‘tgan muddatidan oldin parlament saylovlarida Japarov tarafdorlari ustunlik qildi. Markaziy saylov komissiyasi ma’lumotlariga ko‘ra, 90 o‘rindan kamida 50 tasi avvalgi chaqiriq deputatlariga nasib qilishi mumkin.
Saylovchilar faolligi esa mahalliy vaqt bilan 19:00 ga kelib 34 foizdan oshdi. Yangi saylov tizimi qonunchilikka 2025 yil iyunda kiritilgan o‘zgarishlar asosida ilk bor qo‘llanildi.
Unga ko‘ra, mamlakat 30 ta okrugga bo‘lingan bo‘lib, har bir okrugdan uchta deputat saylanadi va ulardan kamida biri ayol bo‘lishi shart.
Saylovlarga bir hafta qolganda bir qator muxolifat vakillari, jumladan, sobiq prezident Almazbek Atambayevning o‘g‘li hamda Sotsial-demokratlar partiyasi a’zolari hibsga olingani mamlakatda siyosiy vaziyat keskinlashganini ko‘rsatdi.
Rasmiylarga ko‘ra, ular saylov natijalari e’lon qilinganidan keyin ommaniy norozilik tashkil qilishni rejalashtirgan.
