EASA tomonidan berilgan ko‘rsatma asosida O‘zbekiston Airways Airbus A320/321 samolyotlarining dasturiy ta’minotini yangiladi. Bu haqda aviakompaniya matbuot xizmati xabar berdi.
Xabarga ko‘ra, parvolni boshqarish tizimining dasturiy ta’minotiga o‘zgartirishlar kiritishni nazarda tutuvchi uchishga yaroqlilik bo‘yicha favqulodda Direktiva talablari to‘liq bajarilgan.
Ushbu talab 2025 yil 28 noyabr sanasida Yevropa Aviatsiya xavfsizligi agentligi (EASA) tomonidan quyoshning kuchli radiatsiyasi natijasida apparat ta’minotida zaifliklarning oldini olish maqsadida Airbus A320/321 turkumidagi samolyotlarning bort kompyuterlaridan biri DT versiyasini almashtirish zaruriyati tufayli kiritilgan.
Ko‘rsatma 24 soatda bajarilishi lozim bo‘lgan. 29 noyabr holatiga ko‘ra, barcha A320/321 ceo/neo havo kemalari dasturiy ta’minot modifikatsiyasidan o‘tgani, jarayonning to‘liq yakunlanishi shu kun, Toshkent vaqti bilan 23:00 gacha amalga oshirilishi reja qilingani bildirildi.
