ЭАСА томонидан берилган кўрсатма асосида Узбекистан Аирwайс Аирбус А320/321 самолётларининг дастурий таъминотини янгилади. Бу ҳақда авиакомпания матбуот хизмати хабар берди.
Хабарга кўра, парвозни бошқариш тизимининг дастурий таъминотига ўзгартиришлар киритишни назарда тутувчи учишга яроқлилик бўйича фавқулодда Директива талаблари тўлиқ бажарилган.
Ушбу талаб 2025 йил 28 ноябрь санасида Европа Авиация хавфсизлиги агентлиги (ЭАСА) томонидан қуёшнинг кучли радиацияси натижасида аппарат таъминотида заифликларнинг олдини олиш мақсадида Аирбус А320/321 туркумидаги самолётларнинг борт компютерларидан бири ДТ версиясини алмаштириш зарурияти туфайли киритилган.
Кўрсатма 24 соатда бажарилиши лозим бўлган. 29 ноябрь ҳолатига кўра, барча А320/321 cео/нео ҳаво кемалари дастурий таъминот модификациясидан ўтгани, жараённинг тўлиқ якунланиши шу кун, Тошкент вақти билан 23:00 га қадар амалга оширилиши режа қилингани билдирилди.
