Давлат раҳбари Номзодлар турнирида ғалаба қозониб, илк бор бундай юксак натижага эришган гроссмейстерни самимий қутлаб, бу зафар бутун халқ ютуғи эканини таъкидлади. Қайд этилишича, Синдоров мусобақа давомида мағлубиятсиз иштирок этиб, 14 партияда 10 очко жамғарган ва рекорд кўрсаткичларга эришган.
Маросимда спортчининг ютуғи ортидаги меҳнат, интизом ва устозлар ҳиссаси алоҳида эътироф этилди. Шунингдек, у турли давлатлардан келган кучли гроссмейстерларга қарши юксак маҳорат намоён этгани қайд қилинди.
Тадбир якунида Жавоҳир Синдоров мамлакатда шахматни ривожлантиришга қўшган ҳиссаси ва халқаро мусобақадаги ғалабаси учун “Меҳнат шуҳрати” ордени билан тақдирланди.
