Adliya vazirligi chiqish cheklovlari bo‘yicha tartibga o‘zgartirishlar kiritdi.
Yangi tartibga ko‘ra, aliment to‘lashi shart bo‘lgan shaxslar tegishli sug‘urta polisini taqdim etgan holda davlat ijrochisiga ariza topshirsa, ularning chet elga chiqishiga qo‘yilgan vaqtincha cheklov to‘xtatib turiladi.
Mazkur sug‘urta polisi faqat tegishli litsenziyaga ega sug‘urtalovchilar tomonidan rasmiylashtiriladi.
Polis mavjudligi MIB tomonidan Istiqbolli loyihalar milliy agentligi axborot tizimi orqali avtomatik tarzda tasdiqlanadi.
Bu o‘zgarish "...qarzdor jismoniy shaxslarning O‘zbekiston hududidan chiqishini vaqtincha cheklash tartibi"ga kiritilgan qo‘shimchalar asosida kuchga kirdi.
