O‘zbekiston musulmonlari idorasi xabariga ko‘ra, 2025 yilda kuz mavsumi deyarli yog‘ingarchiliksiz o‘tayotgani hamda yaqin kunlarda ham yomg‘ir kutilmayotgani sabab 28 noyabr kuni jumadan keyin barcha masjidlarda jamohat bilan istisqo namozi o‘qiladi. Jarayonda tavba, tazarrru va istig‘for bilan Allohdan rizq, mol-kullik va baraka ramzi bo‘lgan yomg‘ir so‘raladi.
Diniy idora izohiga ko‘ra, islom tarixida qurg‘oqchilik davrlarida istisqo namozi o‘qilishi va uning ijobiy natijalari haqida ko‘plab rivoyatlar mavjud. Payg‘ambar Muhammad (s.a.v.) suv tanqisligi yuzaga kelgan paytlarda jamoani duoga chorlab, o‘zlari imom bo‘lib namoz o‘qiganlari qayd etilgan.
Shuningdek, viloyat va tuman markaziy masjidlarida, ziyoratgohlarda jonliq so‘yilib, go‘shti kam ta’minlangan oilalarga tarqatiladi.
Diniy idora ustoz va talabalar tomonidan 28 noyabrgacha Imom Buxoriyning “Sahihi Buxoriy” asari “hatmi kutub” qilinishi haqidagi topshiriqni ham e’lon qildi. Tarixiy manbalarda mazkur kitob qurg‘oqchilik davrida o‘qilganda yomg‘ir yog‘qani qayd etilgani ta’kidlandi.
Bundan tashqari, Umra safarida bo‘lib turgan imomlarga ham Ikki Haramda guruhlari bilan istisqo namozi o‘qish tavsiya qilindi.
