Prezident yig‘ilishida ikki hokim va ularning o‘rinbosarlari ishdan olindi

Ayni vaqtda Prezident Shavkat Mirziyoyev raisligida qashshoqlikni qisqartirish hamda aholi bandligini ta’minlash bo‘yicha videoselektor yig‘ilishi o‘tmoqda. Yig‘ilishda Qashqadaryo va Surxondaryodagi ikki tuman — Denov va Chiroqchining hokimlari hamda ularning birinchi o‘rinbosarlari vazifasidan olindi. Denov tumanida qashshoq oilalar bilan ish olib borish susaytirilgani, 1200 ta oila daromadi yaxshilanmagan qayd etildi. Chiroqchi tuman esa tadbirkorlikni rivojlantirish uchun ajratilgan 309 mlrd so‘m resursdan samarali foydalanmagan uchun tanqid qilindi. Yig‘ilishda Surxondaryoning Uzun tumani esa namunaviy hudud sifatida tilga olindi. Tumanda xorijiy investitsiya jalb etilib, o‘nlab korxonalar ishga tushirilgan, mikroloyihalar orqali minglab aholi daromadli bo‘lgan. Natijada qashshoqlik ko‘rsatkichi yil boshidan 10,5 foizdan 3 foizgacha pasaygani ma’lum qilindi.