O‘zbekiston 2026 yilda Afg‘onistonga elekt energiyasi yetkazib berishni davom etttiradi. Bu haqda Energetika vazirligi xabar berdi. Ma’lumotlarga ko‘ra, 17 noyabr kuni vazir Jo‘rabek Mirzamahmudov Afg‘onistonning DABS kompaniyasi rahbari Abdul Bori Umar bilan uchrashib, Afg‘onistonda qurilayotgan yuqori kuchlanishli elekt uzatish liniyalari va podstansiyalaridagi ishlar sur’atini muhokama qilgan.
Uchrashuv yakunida ikki tomon 2026 yil uchun elekt ta’minoti bo‘yicha yangi shartnoma imzoladi. O‘zbekiston tomonidan hujjatga “Uzenergosotish” boshqaruvi raisi Jahongir Obidjonov imzo chekdi.
Ma’lumot uchun: Afg‘oniston 2024 yilda O‘zbekiston, Eron, Tojikiston va Turkmanistondan import qilingan elekt energiyasi bo‘yicha 627 million dollarlik qarzini to‘lagan. Keyingi yillarda Toshkent va Kobul o‘rtasida bir qator asosiy loyihalar bo‘yicha kelishuvlar imzolangan — jumladan, 500 kV Surxon–Dasht–Alvon tarmog‘ini kengaytirish, Arg‘andah va Shayx Mesri podstansiyalarini qurish hamda Kobul–Nangarhor liniyalarini modernizatsiya qilish.
Afg‘oniston hozirda elekt energiyasining taxminan 80 foizini import qiladi. O‘zbekiston esa uning eng yirik ta’minotchisi bo‘lib qolmoqda.
