Donald Trumpga ko‘ra, Rossiya va Ukraina o‘rtasidagi urushni to‘xtatish uchun Donbass mintaqasi "bo‘linishi" lozim. Uning fikricha, hozirgi front chizig‘i bo‘yicha har ikki taraf to‘xtashi va muzokaralar olib borishi kerak.
“Mintaqaning 78 foizi allaqachon Rossiya qo‘lida, vaziyatni shundayligicha qoldirish kerak”, — dedi Trump Air Force One bortidagi suhbatda.
Shuningdek, u The Financial Times’ning Zelenskiyni Donbassni to‘liq Rossiyaga berishga chaqirgani haqidagi xabarini rad etdi. «Men bunday demaganman», — dedi u.
Trump, shuningdek, Hindiston bosh vaziri Narendra Modi Rossiya neftini xarid qilishni qisqartirishga va‘da berganini, aks holda AQSh bojlari orqali bosim o‘tkazishini qo‘shimcha qildi.
