G‘arbiy Bengal shtatining Darjiling shahrida yog‘ingarchilik sababli ko‘chkilar yuzaga kelib, asosiy yo‘llar vayron bo‘ldi. Qurbonlar orasida ayollar va bolalar ham bor.
"The Hindu" nashrining yozishicha, 4–5 oktyabr kunlari Hindistonning shimoli-sharqiy hududlarida kuzatilgan kuchli yomg‘ir kamida 24 kishining hayotiga zomin bo‘lgan. Ko‘chkilar tufayli minglab sayyohlar baland tog‘li hududlarda qamalib qolgan, ba’zi fuqarolar bedarak yo‘qolgan.
Hindiston bosh vaziri Narendra Modi voqeadan chuqur qayg‘uda ekanini bildirib, jabrlanganlarga yordam ko‘rsatishga tayyorligini aytdi. Shuningdek, aholiga ehtiyot bo‘lish tavsiya etildi.
Ob-havo xizmati yomg‘irlar 7 oktyabrgacha davom etishini bildirgan. Rasmiylar suv toshqinlari havfi yuqoriligini ta’kidlashmoqda.
