Ukraina Qurolli Kuchlari Bosh shtabi ma'lumotiga ko'ra, Bryansk viloyati, Karachev tumanida joylashgan “Elektrodetal” zavodiga raketa zarbasi berildi. Ukraina tomoni usbu korxona harbiy ehtiyojlar uchun mahsulot ishlab chiqarganini ta'kidladi. Bu haqda Zamon.uz xabar berdi.
Guvohlarning xabar berishicha, hodisa joyida portlashlar sodir bo'lgan va yong'in yuzaga kelgan. Hozirgacha qurbonlar yoki jabrlanganlar haqida rasmiy ma'lumotlar e'lon qilinmagan.
Bosh shtab ma'lumotida qayd etilishicha, hujum vaqtida Ukraina tomoni to'rtta raketa uchirgan, ularning ehtimoliy uchish masofasi 240 kilometrdan ortiq bo'lgan. Hujumda qaysi turdagi raketalar ishlatilgani haqida aniqlik kiritilmadi.
Hodisaning sabablari va oqibatlarini aniqlash bo'yicha joyida tekshiruv ishlari olib borilmoqda.
