Toshkentda 11 yoshli qizning tok urib vafot etganidan so‘ng, uning onasi erini pichoqlab o‘ldirdi. Bu haqda Bosh prokuratura matbuot xizmati rahbari Hayot Shamsutdinov ma’lum qildi.
Bildirilishicha, ayol Jinoyat-protsessual kodeksining 221-moddasi tartibida ushlangan. Hozirda dastlabki tergov harakatlari olib borilmoqda.
Avvalroq, 2024 yil 30 may kuni Toshkent shahri Mirabod tumanida 11 yoshli N.A. ukasining o‘yincho‘g‘ini olish uchun do‘kon tomiga chiqqan va elektrik tokiga urilib, voqea joyida vafot etgandi. Ushbu holat yuzasidan ham alohida jinoyat ishi qo‘zg‘atilgan.
