Oliy Majlisda bergan axborotida Korrupsiyaga qarshi kurashish agentligi rahbari Akmal Burxonovning aytishicha, qonun kuchga kirgan 2024 yil dekabrdan buyon 9 oy ichida 407 nafar davlat xizmatchisi manfaatlar to‘qnashuviga yo‘l qo‘ygani uchun ma’muriy javobgarlikka tortilgan.
Qonun kuchga kirguniga qadar esa 213 ta holatda yaqin qarindoshlarning bir-biriga bo‘ysunib ishlayotgani, 1513 nafar xodimning esa xizmat bilan birga tadbirkorlik faoliyati bilan shug‘ullanayotgani aniqlangan.
Shuningdek, 2677 ta normativ hujjat loyihasi korrupsion ekspertizadan o‘tkazilib, 455 tasida 1000 dan ortiq korrupsiyaga oid omillar aniqlangan. So‘nggi 6 yil ichida esa 791 nafar shaxs davlat xaridlarini noqonuniy amalga oshirgani uchun jinoiy javobgarlikka tortilgan.
Ularning aksariyati maktab, maktabgacha ta’lim, sog‘liqni saqlash va mahalliy hokimiyat organlari xodimlari bo‘lgan.
