Joriy yil boshidan beri O‘zbekistonda ichimlik suvidan qarzdor bo‘lgan 53,5 ming iste’molchi suv ta’minoti tarmog‘idan uzilgan. Bu haqda “O‘zsuvta’minot” AJning maxsus matbuot anjumanida ma’lum qilindi.
Ma’lumotlarga ko‘ra, 2025 yilning o‘tgan davrida 3 899 ta noqonuniy ulanish holati aniqlangan va bu holatlar korxonaga 76,2 milliard so‘mlik moddiy zarar yetkazgan. Hozirgacha shundan 29,9 milliard so‘m qoplangan.
Shu bilan birga, 103,3 ming iste’molchiga nisbatan umumiy qiymati 332,2 milliard so‘m bo‘lgan qarzdorlikka oid da’volar sudlarga yuborilgan. Olib borilgan choralar tufayli debitor qarzdorliklar 146,4 milliard so‘mga (14 foiz) kamaygan.
