“O‘zenergoinspektsiya” Samarqand viloyati hududiy boshqarmasi tomonidan o‘tkazilgan nazorat tadbirida Narpay tumanidagi “J.” xususiy korxonasiga qarashli ishlab chiqarish sexi elektr tarmog‘iga hisoblagichsiz ulanib, energiyadan noqonuniy foydalangani fosh etildi.
Dastlabki hisob-kitoblarga ko‘ra, korxonaning bu harakati elektr ta’minoti tashkilotiga 1 milliard 884 million so‘m zarar yetkazgan.
Mazkur holat yuzasidan hozirda huquqni muhofaza qilish organlari tomonidan tergovgacha qadar tekshiruv ishlari olib borilmoqda.
