Samarqand shahri ko‘chalarida ikkita BMW M5 haydovchisi ishtirokida noqonuniy poyga uyushtirildi. Ular qo‘pol qoidabuzarliklarga yo‘l qo‘yib, boshqa harakat ishtirokchilarining xavfsizligiga tahdid solgan.
Yo‘l harakati xavfsizligi xizmati xabariga ko‘ra, ushbu holat yuzasidan haydovchilarga nisbatan tegishli tartibda choralar ko‘rilgan. Ulardan biri “shahar ichida poyga o‘ynadik, tushuntirish ishlari olib borildi” deya o‘z harakatidan pushaymonligini bildirgan.
Ikkinchi haydovchi ham qoidabuzarliklarini tan olib, bunday harakatlar boshqalarga xatar tug‘dirishini aytgan. Mutasaddilar ushbu kabi holatlarga nisbatan qat’iy choralar ko‘rilishini eslatmoqda.
