Самарқанд шаҳри кўчаларида иккита BMW М5 ҳайдовчиси иштирокида ноқонуний пойга уюштирилди. Улар қўпол қоидабузарликларга йўл қўйиб, бошқа ҳаракат иштирокчиларининг хавфсизлигига таҳдид солган.
Йўл ҳаракати хавфсизлиги хизмати хабарига кўра, ушбу ҳолат юзасидан ҳайдовчиларга нисбатан тегишли тартибда чоралар кўрилган. Улардан бири “шаҳар ичида пойга ўйнадик, тушунтириш ишлари олиб борилди” дея ўз ҳаракатидан пушаймонлигини билдирган.
Иккинчи ҳайдовчи ҳам қоидабузарликларини тан олиб, бундай ҳаракатлар бошқаларга хатар туғдиришини айтган. Мутасаддилар ушбу каби ҳолатларга нисбатан қатъий чоралар кўрилишини эслатмоқда.
