Majburiy ijro byurosi Toshkent shahar boshqarmasi Jinoyat ishlari bo‘yicha Toshkent shahar sudining ijro varaqasiga asosan, "Quramax Medical" MChJ omborxonalari va bojxona omborlarida saqlanayotgan 3 million 200 ming donadan ortiq dori vositalarini yo‘q qilishga kirishdi. Bu haqda MIB matbuot xizmati xabar bermoqda.
Ushbu dorilar orasida O‘zbekistonda kamida 68 nafar bolaning o‘limiga sabab bo‘lgan "Dok-1 Maks" sirupi ham bor.
Jumladan, quyidagilar yo‘q qilinadi:
- 811 478 dona "Dok-1 Maks" tabletkasi;
- 101 669 shisha "Dok-1 Maks" sirupi;
- 2 252 796 ta "Ambronol" tabletkasi;
- 56 672 shisha "Ambronol" sirupi.
Tadbir huquqni muhofaza qiluvchi organlar, sanitariya-epidemiologiya xizmati, Ekologiya va atrof-muhitni muhofaza qilish qo‘mitasi hamda holislar ishtirokida o‘tkazilmoqda.
Dori vositalari ekologiya va atrof-muhitga zarar yetkazmagan holda maxsus pechda yoqish orqali yo‘q qilinadi, deyiladi xabarda.
