Tadbir davlat rahbarining joriy yil 20 avgust kuni tadbirkorlar bilan o‘tkazilgan V ochiq muloqotida berilgan topshiriqlar ijrosini ta’minlash maqsadida tashkil etilgan.
Uchrashuvda Oliy ta’lim va ilmiy-tadqiqot muassasalari, xalqaro moliya tashkilotlari, suv tejovchi sug‘orish tizimlari va butlovchi qismlarni ishlab chiqaruvchi hamda quruvchi korxonalar, shuningdek suv xo‘jaligi tashkilotlaridan jami 240 nafar mutaxassis ishtirok etmoqda.
Shuningdek, xalqaro suv resurslarini boshqarish instituti (IWMI), Orolni qutqarish xalqaro jamg‘armasi, Markaziy Osiyo davlatlararo suv xo‘jaligini muvofiqlashtirish komissiyasining Ilmiy-axborot markazi, BMT taraqqiyot dasturi (UNDP), Germaniya xalqaro hamkorlik jamiyati (GIZ), Koreya xalqaro hamkorlik agentligi (KOICA) va boshqa xalqaro muassasalar vakillari ham ishtirok etmoqda.
Ochiq muloqot doirasida oliy ta’lim va ilmiy tashkilotlar olimlari yaratgan ishlanmalar namoyish etilmoqda. Jumladan:
— Toshkent irrigatsiya universiteti — 50 ta,— Irrigatsiya va suv muammolari ilmiy-tadqiqot instituti — 20 ta,
— “SUVMASH” AJ — 10 ta,
— suv tejovchi sug‘orish tizimlari va butlovchi qismlarini ishlab chiqaruvchi va quruvchi korxonalar — 50 ta,
— boshqa muassasalar — 50 ta ishlanmalarini ko‘rgazmaga taqdim etdi.
Tadbirdan ko‘zlangan maqsad suv tejovchi texnologiyalarni amaliyotga joriy etish orqali sohada samaradorlikni oshirish va tadbirkorlar bilan ilm ahliining hamkorligini kuchaytirishdan iborat.
