Тадбир давлат раҳбарининг жорий йил 20 август куни тадбиркорлар билан ўтказилган V очиқ мулоқотида берилган топшириқлар ижросини таъминлаш мақсадида ташкил этилган.
Учрашувда Олий таълим ва илмий-тадқиқот муассасалари, халқаро молия ташкилотлари, сув тежовчи суғориш тизимлари ва бутловчи қисмларни ишлаб чиқарувчи ҳамда қурувчи корхоналар, шунингдек сув хўжалиги ташкилотларидан жами 240 нафар мутахассис иштирок этмоқда.
Шунингдек, халқаро сув ресурсларини бошқариш институти (IWMI), Оролни қутқариш халқаро жамғармаси, Марказий Осиё давлатлараро сув хўжалигини мувофиқлаштириш комиссиясининг Илмий-ахборот маркази, БМТ тараққиёт дастури (UNDP), Германия халқаро ҳамкорлик жамияти (GIZ), Корея халқаро ҳамкорлик агентлиги (KOICA) ва бошқа халқаро муассасалар вакиллари ҳам иштирок этмоқда.
Очиқ мулоқот доирасида олий таълим ва илмий ташкилотлар олимлари яратган ишланмалар намойиш этилмоқда. Жумладан:
— Тошкент ирригация университети — 50 та,— Ирригация ва сув муаммолари илмий-тадқиқот институти — 20 та,
— “SUVMASH” АЖ — 10 та,
— сув тежовчи суғориш тизимлари ва бутловчи қисмларини ишлаб чиқарувчи ва қурувчи корхоналар — 50 та,
— бошқа муассасалар — 50 та ишланмаларини кўргазмага тақдим этди.
Тадбирдан кўзланган мақсад сув тежовчи технологияларни амалиётга жорий этиш орқали соҳада самарадорликни ошириш ва тадбиркорлар билан илм аҳлининг ҳамкорлигини кучайтиришдан иборат.
