Yaponiyaning yirik energetika kompaniyasi “Tepco” “Fukusima” atom elekt stantsiyasidagi radioaktiv chiqindilarni chiqarishga tayyorgarlik ko‘rmoqda. Shu maqsadda odamlar uchun hanuz xavfli bo‘lgan reaktor ichiga “Spot” va “Packbot” nomli robotlar yuborildi. Ularning vazifasi – radiatsiya darajasini o‘lchash va ichki holatni videoga olish.
Yapon OAV xabariga ko‘ra, olingan tasvirlar bir oy davomida tahli qilinadi. Shundan so‘ng “Tepco” yadroviy yoqilg‘i qoldiqlarini qanday chiqarishni belgilab oladi. Kompaniya bunday robotlordan avval ham stantsiya ichkarisini o‘rganishda foydalangan.
Ekspertlarga ko‘ra, reaktorlardan yoqilg‘i sterjenlarini olib chiqish – butun jarayonning eng murakkab bosqichi hisoblanadi. Hozir stantsiya ichida qariyb 880 tonna ota xavfli material mavjud. Uni chiqarib tashlash jarayoni kamida 12–15 yil davom etishi kutilmoqda.
Yaponiya hukumat va “Tepco” AESni to‘liq
dismontaj qilishni 2051 yilgacha yakunlashni maqsad qilgan. Biroq kompaniya bu muddatni ushlash mushkul bo‘lishini tan olmoqda.
Eslatib o‘tamiz, 2011 yilda “Fukusima”ga balandligi 15 metrga yaqin tsunami urib, sovitish tizimi isdan chiqqan va uchta reaktorda aktiv zona erib ketgan edi. Bu hodisa 1986-yilgi Chernobildan keyingi eng yirik yadroviy falokat sifatida tarixda qolgan.
