Xorazm viloyatining Urganch shahrida joylashgan “T.Y.” mas’uliyati cheklangan jamiyati elektr quvvatidan hisoblagichdan tashqari ulanib foydalanib kelgani aniqlandi. Bu haqda “O‘zenergoinspeksiya” viloyat boshqarmasi xabar berdi.
Tegishli idoralar — “O‘zenergoinspeksiya” va Iqtisodiy jinoyatlarga qarshi kurashish departamentining Xorazm viloyati boshqarmasi tomonidan o‘tkazilgan nazorat tadbiri davomida korxonaning elektr qurilmalari hisoblagichsiz ravishda tarmoqqa ulangani aniqlangan.
Dastlabki hisob-kitoblarga ko‘ra, ushbu noqonuniy ulanish oqibatida davlatga 2 milliard 207 million so‘m miqdorida zarar yetkazilgan.
Ayni paytda holat yuzasidan tergovga qadar tekshiruv ishlari olib borilmoqda.
