Хоразм вилоятининг Урганч шаҳрида жойлашган “Т.Й.” масъулияти чекланган жамияти электр қувватидан ҳисоблагичдан ташқари уланиб фойдаланиб келгани аниқланди. Бу ҳақда “Ўзенергоинспексия” вилоят бошқармаси хабар берди.
Тегишли идоралар — “Ўзенергоинспексия” ва Иқтисодий жиноятларга қарши курашиш департаментининг Хоразм вилояти бошқармаси томонидан ўтказилган назорат тадбири давомида корхонанинг электр қурилмалари ҳисоблагичсиз равишда тармоққа улангани аниқланган.
Дастлабки ҳисоб-китобларга кўра, ушбу ноқонуний уланиш оқибатида давлатга 2 миллиард 207 миллион сўм миқдорида зарар етказилган.
Айни пайтда ҳолат юзасидан терговга қадар текширув ишлари олиб борилмоқда.
