Buyuk Britaniyada 21 yoshli yigit mamlakat Bosh vaziri Kir Starmerga aloqador ikkita mulkni yoqib yuborishda gumonlanib hibsga olindi. Bu haqda bugun, 13 may kuni “Associeted Press” agentligi xabar berdi.
London politsiyasining ma’lum qilishicha, bir kishi Starmer Bosh vazir bo‘lgunga qadar yashagan uyda o‘t qo‘yish sodir etilganidan bir kun o‘tib hibsga olingan. Yong‘in faqat old eshikni shikastlagan.
Huquq-tartibot idoralari ma’lumotlariga ko‘ra, yong‘in ikkita ehtimoliy o‘t qo‘yish hujumi bilan ham bog‘liq bo‘lishi mumkin – 11 may kuni Starmerning uyi yaqinida mashina yonib ketgan va 8 may kuni shaharning boshqa hududida, OAV xabarlariga ko‘ra, Starmer bilan bog‘liq bo‘lgan uyning kirish eshigi ham yonib ketgan.
Qurbonlar haqida ma’lumotlar yo‘q. Buyuk Britaniya Bosh vaziri lavozimini egallaganidan beri Starmer oilasi bilan Bosh vazirning Dauning-stritdagi rasmiy qarorgohida yashadi.
“Ehtiyotkorlik maqsadida va mulkning ilgari nufuzli jamoat arbobi bilan aloqasi bo‘lganligi sababli, ushbu yong‘in bo‘yicha tergov Metropoliten politsiyasining terrorizmga qarshi kurash qo‘mondonligi xodimlari tomonidan olib borilmoqda”, deyiladi politsiya xabarida.
