Маълум қилинишича, аёл бир неча йил аввал йўл-транспорт ҳодисасига учраб, комага тушган. Ўзига келганидан сўнг эса эри ва фарзандларини танимай қолган, ҳатто оддий кўникмаларни ҳам унутиб қўйган.
Шунга қарамай, эркак рафиқасини тарк этмаган ва йиллар давомида унга ғамхўрлик қилиб келган. У бу даврни ҳаётидаги энг оғир синов сифатида таърифлаган.
Қайта ташкил этилган тўй маросими камтарона ўтказилган бўлиб, фарзандлари ва фотограф ёрдамида безатилган. Жуфтлик анъанавий либосларда никоҳ узукларини тақиб, янги хотиралар яратишга интилишини намоён этган.
Маросим якунида аёл эрига йиллар давомидаги сабр ва қўллаб-қувватлови учун миннатдорлик билдирган.
