Президент Шавкат Мирзиёев ОТБ йиғилишида Ўзбекистон иқтисодиёти 8,7 фоиз ўсишга эришганини, 150 млрд доллар инвестиция жалб қилинганини ва мамлакат “яшил энергия”, сунъий интеллект ҳамда минтақавий логистика марказига айланаётганини билдирди.
Давлат раҳбари мамлакатда 2016 йилдан буён кенг кўламли иқтисодий ислоҳотлар амалга оширилаётганини таъкидлади. Унинг сўзларига кўра, иқтисодиёт ҳажми 147 млрд долларга етган, экспорт 3 баробар ошган.
Президент камбағаллик 35 фоиздан 5,8 фоизга туширилганини, 2030 йилгача иқтисодиётни 240 млрд долларга етказиш мақсад қилинганини маълум қилди.
Шунингдек, сунъий интеллект, “яшил” энергетика, транспорт йўлаклари, критик минераллар ва туризм бўйича йирик минтақавий ташаббуслар илгари сурилди.
Мирзиёев Осиё тараққиёт банки билан ҳамкорликда янги молиялаштириш ва инвестиция платформаларини кенгайтириш таклифини билдирди.
