Тойлоқ туманида икки нафар вояга етмаган қизга нисбатан жисмоний ва руҳий зўравонлик қилингани аниқланди. Бу ҳолатни содир этган аёл болаларни қўрқитиш орқали уларнинг хориждаги онасидан пул ундиришга уринган.
Маълум бўлишича, 2017 ва 2019 йилларда туғилган қизлар вақтинча васийликка олинган бўлиб, васий аёл уларга босим ўтказиб, зўравонлик қилган ва буни видеога олган. Ҳолат юзасидан Болалар омбудсмани текширувни назоратга олди, аёл эса васийликдан четлатилди.
Айни пайтда туман ИИБ томонидан текширув олиб борилмоқда, болалар суд-тиббий экспертизадан ўтказилмоқда. Улар хавфсиз жойга жойлаштирилиб, психологлар билан иш олиб борилмоқда.
