Япония Иммиграция хизматлари агентлиги маълумотига кўра, 24 апрель куни мамлакатда ноқонуний равишда истиқомат қилиб келган икки нафар Ўзбекистон фуқароси депортация қилинган.
Биринчи ҳолатда фуқаро Японияга “талаба” визаси билан кирган, бироқ кейинчалик ўқишдан ҳайдалганига қарамай мамлакатни тарк этмаган ва ноқонуний равишда қолиб кетган. У ҳуқуқ-тартибот органлари томонидан ҳибсга олинган.
Иккинчи ҳолатда эса фуқаро қисқа муддатли виза билан Японияга кирган, аммо белгиланган қолиш муддати тугаганидан сўнг ҳам мамлакатдан чиқиб кетмаган.
Шу каби ҳолатлар сабаб Япония миграция қоидаларини бузган фуқароларни депортация қилгани таъкидланмоқда.
