Бу қарор музокаралар давом эттирилиши учун вақт бериш мақсадида қабул қилинган.
АҚШ президентининг билдиришича, сулҳ Эрон томони “ягона таклиф” ишлаб чиққунга қадар амал қилади. Шу билан бирга, у Ҳормуз бўғозидаги блокада сақланиб қолишини ва армия жанговар шай ҳолатда туришини таъкидлади.
Айни пайтда, Эрон музокараларнинг навбатдаги босқичида иштирок этишдан бош тортди. Теҳрон бу қарорни АҚШнинг “ҳаддан ташқари талаблари” билан изоҳлаб, бундай мулоқотни самарасиз деб баҳолаган.
Музокаралар Исломободда ўтказилиши режалаштирилган эди, аммо жараён тўхтаб қолди. Бу орада, АҚШ вице-президенти Жеймс Дэвид Вэнснинг ташрифи ҳам номаълум муддатга қолдирилди.
Ҳозирча томонлар ўртасидаги вазият ноаниқлигича қолмоқда, сулҳ эса фақат вақтинчалик чора сифатида баҳоланмоқда.
