Мутахассислар зараркунандага қарши кенг кўламли курашни бошлади.
Маълум қилинишича, баҳор бошидан Қашқадарё, Сурхондарё, Самарқанд ва Жиззах вилоятларида марокаш чигирткаси тарқалиши кузатилган.
Ҳозирга қадар 3 641 гектар майдонда кимёвий ишлов ўтказилиб, 22 минг гектардан ортиқ ҳудуд назоратга олинган. Жорий йилда эса 651,8 минг гектар ерда ишлов бериш режалаштирилган.
Кураш ишларига ўнлаб махсус техника ва мингдан зиёд ускуналар жалб қилинган, 700 га яқин мутахассис сутка давомида иш олиб бормоқда. Барча ҳудудларда тезкор гуруҳлар шакллантирилган.
Фуқаролардан чигиртка ҳолатлари бўйича тегишли хизматларга хабар бериш сўралди, кимёвий ишловлар эса бепул амалга оширилмоқда.
