Маҳаллий вақт билан соат 06:48 да 35 км чуқурликда содир бўлган зилзила натижасида цунами ҳақида огоҳлантиришлар берилди, аммо улар кейинроқ бекор қилинди.
Индонезиянинг Антара миллий ахборот агентлиги хабар беришича, Шимолий Сулавеси штатида 70 ёшли аёл бино вайроналари остида эзилиб вафот этди, яна бир киши эса бинодан сакраб оёғини синдириб олди.
Минтақада юқори даражадаги сейсмик фаоллик кузатилса-да, баъзи аҳолининг ББCга айтишича, бу сўнгги олти йил ичида улар сезган энг кучли зилзилалардан бири бўлган.
Гавайида жойлашган Тинч океани цунами ҳақида огоҳлантириш маркази дастлаб Гуам, Япония, Малайзия, Папуа-Янги Гвинея, Филиппин ва Тайван қирғоқларида 0,3 м (1 фут) дан кам цунами тўлқинлари "мумкин" эканлиги ҳақида огоҳлантирган эди. Цунами ҳақида огоҳлантириш икки соатдан кейин бекор қилинди.
Манадо марказида яшовчи журналист Исвара Сафитри хонасидаги мебеллар бир неча сония давомида қандай тебранганини эслади.
"Жуда кучли эди... Ҳатто бошим айланиб кетди", деди Сафитри BBC Индонезия нашрига.
Ҳатто уй ташқарисидаги йўллар ҳам титраётган эди, деди у ва зилзила сўнгги олти йил ичида бошидан кечирган энг кучли зилзиладек туюлганини қўшимча қилди.
