Сурхандарё вилоятининг Денов туманида гиёҳвандлик воситаларининг йирик партиясини сотмоқчи бўлган шахслар қўлга олинди. Бу ҳақда Ички ишлар вазирлиги маълум қилди.
Аниқланишича, 1969 йилда туғилган шахс 8 кг гиёҳвандлик воситасини 150 минг АҚШ долларига сотишга уриниб, тезкор тадбир давомида ушланган. Суриштирувлар жараёнида у мазкур моддаларни 1971 йилда туғилган танишидан олгани маълум бўлган ва у ҳам қўлга олинган.
Тадбирлар давом эттирилиб, гиёҳвандлик воситаларининг асл манбаи сифатида гумон қилинган яна бир 1971 йилда туғилган шахс ҳам процессуал тартибда ушланган.
Мазкур ҳолат юзасидан Жиноят кодексининг 273-моддаси 5-қисми билан жиноят иши қўзғатилиб, гумонланувчиларга нисбатан қамоқ эҳтиёт чораси қўлланилган.
