Мбаппе жароҳатланган тиззасини текширтириш учун Парижга боргач, яна Мадридга қайтди. Бу ҳақда журналист Серхио Киранте маълум қилди.
Манбаларга кўра, Реал Мадрид ҳужумчиси пойтахтга клуб физиотерапевтлари ва бир нечта ишончли шахслар ҳамроҳлигида учиб келган. Бу эса клуб тиббий штаби футболчининг тикланиш жараёнини тўлиқ назорат қилаётганини англатади.
Хабарларга кўра, Мбаппе билан бир самолётда испан актрисаси Эстер Эхпóсито ҳам бўлган. Аввалроқ улар ўртасида ишқий муносабатлар борлиги ҳақида миш-мишлар тарқалган эди.
Ҳозирча асосий савол — франциялик юлдуз қачон тўлиқ тикланиб, майдонга қайтиши мумкинлиги бўлиб қолмоқда.
