Бош прокуратура ҳузуридаги Иқтисодий жиноятларга қарши курашиш департаменти маълум қилишича, пойтахтнинг Яккасарой, Учтепа ва Сергели туманлари ҳамда Сирдарё вилоятининг Гулистон туманида ўтказилган тезкор тадбирларда фуқароларнинг ишончига кириб, виза расмийлаштириб бериш баҳонасида минглаб доллар олган шахслар ашёвий далиллар билан ушланган.
Ҳолатларга кўра, гумонланувчилар Умра зиёратига юбориш эвазига 1 000–1 650 АҚШ доллари миқдорида пул олган вақтида қўлга олинган.
Мазкур тўрт ҳолат юзасидан Жиноят кодексининг фирибгарлик ҳамда пора бериш билан боғлиқ моддалари асосида жиноят ишлари қўзғатилиб, тергов ҳаракатлари олиб борилмоқда.
