Бугун старт олган Номзодлар турнири ғолиби амалдаги жаҳон чемпиони Гукеш Доммаражуга қарши жаҳон тожи учун баҳс олиб бориш ҳуқуқини қўлга киритади.
Ўзбек шахмати тарихида илк бор ушбу нуфузли мусобақада қатнашган Синдаров мусобақани муҳим ғалаба билан бошлади.
Есипенко билан кечган учрашув юртдошимиз учун осон кечмади — партиянинг айрим паллаларида у мураккаб, ҳатто бироз ноқулай вазиятда ҳам қолди.
Шунга қарамай, Синдаров агрессив ва таваккал услубига содиқ қолиб, рақибини хатога мажбур этди. Якунда эса вақт жуда кам қолганига қарамай ҳал қилувчи юришни амалга ошириб, дастлабки очкони қўлга киритди.






