Эрон парламенти раиси Муҳаммадбоқир Қолибоф X ижтимоий тармоғидаги саҳифасида Дональд Трампга мурожаат билан чиқди, дея ёзмоқда zamon.uz.
У ўз баёнотида минтақадаги кескинлик учун АҚШни айбдор деб ҳисоблашини билдириб, урушни АҚШ бошлаганини, аммо уни Эрон якунлашини таъкидлаган.
Қолибоф шунингдек, уруш давом этса, бу нафақат нефть бозори, балки бутун минтақа ва жаҳон иқтисодиётига жиддий таъсир кўрсатиши мумкинлигини қайд этди.
“Трамп аввал нефть нархи кескин ошмайди деган эди. Энди эса нархлар кўтарилгач, тез орада яна барқарорлашишини айтмоқда. Агар уруш шу тарзда давом этса, на нефтьни сотиш йўли қолади, на уни ишлаб чиқариш имконияти. Бу нафақат АҚШ манфаатларига, балки минтақа ва бутун дунё манфаатларига ҳам зарар етказади”, — деб ёзган у.
Шунингдек, Эрон парламенти раиси бу жараёнда Беньямин Нетаньяхунинг сиёсатини ҳам танқид қилган.
“Бу урушни сиз бошладингиз, аммо уни Ислом Республикаси якунлайди”, — дея таъкидлаган Қолибоф.
