Суд ҳужжатларига кўра, у Жиноят кодексининг ўзлаштириш ёки растрата йўли билан талон-торож қилиш, мансаб ваколатидан четга чиқиш, пора олиш ҳамда ер бериш тартибини бузиш билан боғлиқ моддаларида назарда тутилган жиноятларни содир этган.
Ҳукмга мувофиқ, собиқ ҳоким 3 йил мансабдорлик лавозимларида ишлаш ҳуқуқидан маҳрум қилиниб, БҲМнинг 150 баравари миқдорида жаримага тортилди ҳамда 11 йил муддатга озодликдан маҳрум этилди.
Шунингдек, ҳокимликнинг собиқ бош мутахассиси Н.И. ҳам пора олишда айбдор деб топилиб, 2 йил мансабдорлик лавозимларида ишлаш ҳуқуқидан маҳрум қилинди ва 7 йилга озодликдан маҳрум этилди.
Судланувчилар жазони умумий тартибли колонияда ўташи белгиланган. Ҳукм устидан қонунда белгиланган тартибда апелляция ёки кассация шикояти бериш мумкин.
