23 февраль — Ватан ҳимоячилари куни муносабати билан ўтказилган байрам вақтида россиялик эркак нохуш ҳолатга дуч келди. У эҳтиётсизлик оқибатида шифохонага ётқизилган.
Маҳаллий манбаларга кўра, Дмитрий исмли фуқаро дўсти билан байрамни нишонлаётган бўлган. Маълум қилинишича, зиёфат давомида турли “танловлар” ўтказилган ва шулардан бири вақтида у сирпаниб кетиб, шиша стакан устига йиқилган. Оқибатда идиш танасига кириб кетган.
У ва яқинлари муаммони мустақил ҳал этишга уринган, бироқ бунинг имкони бўлмагач, тез ёрдам чақирилган. Шифокорлар томонидан ўтказилган жарроҳлик амалиётидан сўнг бемор уйига жавоб берилган.
Мутахассислар бундай ҳолатларда ўзбилармонлик қилмасдан, зудлик билан тиббий ёрдамга мурожаат қилиш зарурлигини эслатиб ўтган.
