Ўзбекистон мусулмонлари идораси Уламолар кенгаши ва таниқли уламолар Шавкат Мирзиёевга Рамазон ойи муносабати билан мактуб йўллади.
Мактубда Президент ташаббуси билан Рамазон ойи арафасида «Вақф» хайрия жамоат фондига 750 миллиард сўм ва Ижтимоий ҳимоя миллий агентлиги орқали 300 миллиард сўм маблағ ажратилгани алоҳида таъкидланиб, бу қарор минглаб эҳтиёжманд оилаларни қўллаб-қувватлашга хизмат қилаётгани қайд этилган.
Шунингдек, уламолар мамлакатда масжидларда Хатми Қуръонлар ўтказилаётгани, диний-маърифий соҳада амалга оширилаётган ислоҳотлар, жумладан, ислом меросини асраш ва тарғиб қилишга қаратилган ишларга юқори баҳо берган.
Мактуб сўнгида уламолар Президентни Рамазон ойи билан табриклаб, унга мустаҳкам соғлик ва фаолиятида муваффақиятлар тилаган.
