Тошкент вилояти Чиноз туманида алимент тўловларидан қасддан бўйин товлаб, яшириниб юрган ота қўшнисининг уйидан аниқланди. Бу ҳақда Бу ҳақда Zamon.uz маълум қилди.
Маълум қилинишича, Қуйи Чирчиқ туманлараро судининг суд буйруғига асосан қарздор С.Д.дан бир нафар вояга етмаган фарзанди таъминоти учун даромадининг тўртдан бир қисми миқдорида алимент ундириш белгиланган. Ижро ҳужжати Бюронинг Чиноз туман бўлими иш юритувига олинган.
Қарздор бир неча бор огоҳлантирилганига қарамасдан, 2025 йил 1 январдан 2026 йил 1 январга қадар жами 21 миллион сўм алимент қарзини тўламаган. Шундан сўнг унга нисбатан қидирув эълон қилинган.
Тезкор-қидирув тадбирлари давомида қарздор қўшнисининг уйида яшириниб юргани аниқланди. Ҳужжатлар расмийлаштирилиб, иш Жиноят ишлари бўйича Чиноз туман судига юборилган.
Суд қарори билан С.Д.га нисбатан 15 сутка маъмурий қамоқ жазоси тайинланди.
